Тәрбие

Адам болам десеңіз, алдымен адамды адам деп танып алыңыз.
                                                                                 Халық

*******

Жұмақтың кілті - ананың табанының астында

                                        Хадис

*******

Асықты асық деме, салмағы болса, сақа болар,

Баланы бала деме, ақылы болса аға болар.

Халық

*******

Өмірде жетім болсаң есірме.

Ақылды жетім кеңесуге құмар,

Ақылсыз жетім егесуге құмар.

Егескен ел болмайды.

                                Халық

*******

Қыз ақылды ескермес - ана үлгісін көрмесе

Ұл жарылқап ас бермес - әке үлгісін көрмесе

                                       Қорқыт

*******

Бала өсіргің келсе дана жүректі

Қатты ұста үйрет білім ізетті

Жүсіп Баласағұн

*******

Адамның басшысы - ақыл, шолушысы - ой, жетекшісі- талап, қорғаушысы- сабыр, сынаушысы- халық, таусылмайтыны- арман, ең қымбаттысы - ар сақтау, бәрінен ардақтысы - өмір сүру, соның ішінде ең тәттісі - сыйластық.

                                                                                                                     Төле би

*******

Пұт болдым деп мақтанба,

Пұттан ауыр батпан бар.

Биікпін деп мақтанба,

Асқар-асқар таулар бар,

Аржағында аспан бар.

                  Құнанбай қажы

*******

Қайғы елсе қарсы тұр, құлай берме,

Қызық келсе қызықпа, оңғаққа ерме,

Жүрегіңе сүңгі де, түбін көзде,

Сонан тапқан шын асыл, тастай көрме.

Әуелде бір суық мұз ақыл зерек,

Жылытқан тұла бойды ыстық жүрек.

Тоқтаулылық, талапты шыдамдылық,

Бұл қайраттан шығады, білсең керек.

Ақыл, қайрат, жүректі бірдей ұста,

Сонда толық боласың, елден ерек...

Абай

*******

Тегінде адам баласы адам баласынан ақыл, ғылым, ар, мінез деген нәрселермен озады. Одан басқа нәрсемен оздым ғой демектің бәрі де ақымақшылық...

Жастай берген тәрбие шас шыбықты игендей

                                                                                                         Абай

*******

Салт - дәстүр

Әке тұрып ұл сөйлегеннен без,
Шеше тұрып қыз сөйлегеннен без.
                                 Халық даналығы

*******

Балаң жаман болса,

Көрінгеннің мазағы емес пе?!

Атың жаман болса,

Шыбын жанның азабы емес пе?!

Қатын жаман болса, 

Бұл жалғанның тозағы емес пе?!

Туған балаң жақсы болса,

Тән мен жанның шырағы емес пе?!

Мінген атың жақсы болса,

Бұл дүниенің пырағы емес пе?!

Алған жарын жақсы болса,

Жиғаның мен мейрамыңның тұрағы емес пе?!

                                                              Қазыбек би

*******

Бедері жоқ қамқадан,

Берік толқыған бөз артық,

Берекеті жоқ ағайыннан,

Берік сөйлескен жат артық,

Пайданы алыстан қылғайсың,

Залалды жақыннан қылғайсың,

Оны да есіңе алғайсың.

Қайтып көрер есікті,

Қатты серпіп жаппағайсың.

Қайтып көрер досыңа,

Қайрылмас сөз айтпағайсың.

Осыны есіңе ала жүрсең, ешкімнен

Кем де, қор да болмайсың.

Қараби (Қошқарұлы Жәнібекке айтқаны)

*******

Ағасы бардың, жақсы болса жағасы бар,

Жаман болса, інісіне жабар жаласы бар,

Інісі бардың, жақсы болса тынысы бар,

Жаман болса, ағасына берер жұмысы бар,

Баласы бардың, жақсы болса панасы бар,

Жаман болса, құдайдың берген пәлесі бар...

                                                       Байдалы

Уәж - сөз айту

Жүйелі сөз жүйесін, жүйесіз сөз иесін табады.
                                                            Халық

*******

Таппасаң сөздің жүйесін отына өзің күйесің

Ақылдының сөзі қысқа, көпке болар нұсқа

Шешен сөз бастар, батыр қол бастар

Қылыш жарасы бітеді, сөз бітпейді

Көп ішінде сөйлеген, ойға салмай сөйлеген

Көсемдіктің белгісі, шешендіктің белгісі

Көп сөз - күміс, аз сөз - алтын

Өткір тіл - дарын, ұзын тіл жауың

Тоқсан ауыз сөздің тобықтай түйіні бар

Тіл тас жарады, тас жармаса бас жарады

                                                    Халық

*******

Білмесіңе пікір айтпау - қарапайым заңдылық:

Бос сөзіңнен үнсіз қалу әлдеқайда таң қылық.

Насыр Хұсырау

*******

Біліп айтқан сөзге құн жетпейді,

Тауып айтқан сөзге шың жетпейді.

Өзің білмесең, білгендерден үйрен,

Үйренгеннен ештеңең кетпейді.

                                  Төле би

*******

Сөз сайыста жеңілген де бір - тілі кесілген де бір.

                                                           Тоқсары

*******

Бойда қайрат, ойда көз,

Болмаған соң, айтпа сөз.

Абай

*******

Ауыздағы есірген тіл кесірінен,  

Иықтағы бас кесілген.

Көз мергенінен сөз мергені мықты.

                                       Төрекелді Байтасов

Ақтоғай аудандық орталықтандырылған кітапхана жүйеси: История почтовых марок

Ақтоғай аудандық орталықтандырылған кітапхана жүйеси: История почтовых марок: История почтовой марки уходит в далекие времена. До изобретения почтовой марки подтверждением того, что почтовая пересылка письма ...

Ақтоғай аудандық орталықтандырылған кітапхана жүйеси: Сэмюэль Кольт: за что его называли «великим уравни...

Ақтоғай аудандық орталықтандырылған кітапхана жүйеси: Сэмюэль Кольт: за что его называли «великим уравни...: Пожалуй, во всех рассказах о знаменитом конструкторе оружия Сэмюэле Кольте (Samuel Colt) (1814-1862), упоминается американская поговорка о...

Ақтоғай аудандық орталықтандырылған кітапхана жүйеси: Отбасым күншуағым

Ақтоғай аудандық орталықтандырылған кітапхана жүйеси: Отбасым күншуағым:    Қазақстан Республикасы Президентінің 2013 жылғы 1 наурыздағы №3827 жарлығымен елімізде қыркүйектің екінші жексенбісі Отбасы күні болып ...

Ақтоғай аудандық орталықтандырылған кітапхана жүйеси: Имандылық жарасады ұл -қызға

Ақтоғай аудандық орталықтандырылған кітапхана жүйеси: Имандылық жарасады ұл -қызға:   Аудандық орталықтандырылған кітапханада 11қыркүйекте  оқу залы бөлімінің ұйымдастыруымен  «Имандылық жарасады ұл -қызға» атты  дін жолын...