Адам өмірі - қамшының сабындай ғана қысқа екен,
досы көп, ұрпақ тәрбиелеген ұтады екен.
Қорқыт.
Мен жауымнан қорықпаймын, көп болса атар,
Бәрінен де жақсылығыңа қуанбайтын, жамандығыңа
қайғырмайтын адамдардан қорқамын.
Досбол
досы көп, ұрпақ тәрбиелеген ұтады екен.
Қорқыт.
*******
Кер замандар болады,
Кер замандар болғанда құрмалы үйің болады.
Құбылмалы биің болады.
Ежірей деген ұлың болады
Бежірей деген қызың болады
Ақырай деген әйелің болады
Кекірей деген келінің болады
Кер замандар болғанда
Табалдырықтан биік тау болмайды
Туысқаннан мықты жау болмайды
Кер замандар болғанда су тартылады
Тана менен торпаққа жүк артылады
Ар-ұяттың бәрінен жұрдай болып
Қарап тұрған жігітке қыз артылады
Мөңке бидің айтқаны
*******
Білекке сенген заманда, ешкімге есе бермедік,
Білімге сенер заманда, қапы қалып жүрмедік.
Абылайхан
*******
Мен досымнан қорықпаймын, көп болса сатар,Мен жауымнан қорықпаймын, көп болса атар,
Бәрінен де жақсылығыңа қуанбайтын, жамандығыңа
қайғырмайтын адамдардан қорқамын.
Досбол
*******
Біреудің артық асы бар,
Біреудің артық басы бар.
Аузы аңқиған қара жер
Бәріңді бір күн жасырар.
Майлықожа
*******
Әйел- үйдегі ырысың,
Ұл- айбарлы қылышың.
Қыз- түздегі өрісің,
Келін- кеңейген тынысың.
Олақ- міншіл,
Қызғаныш - күншіл.
Сырғақ- сыншыл,
Бос сөз -былшыл.
Ескелді би
*******
Атты мен жаяудың сәлемі жараспас.
Жиренше шешен
*******
Биік мансап - биік жартас
Ерінбей еңбектеп жылан да шығады,
Екіндеп ұшып қыран да шығады.
Абай
*******
Күшік асырап ит еттім,
Ол балтырымды қанатты
Абай
*******
Өмір мұхит, уақыт толқын.
Дүние үлкен көл,
Заман соққан жел...
Өмірдің алды ыстық арты суық,
Алды ойын, артқы жағы мұңға жуық.
Абай
*******
Алдыңғы толқын ағалар,
Артқы толқын інілер,
Кезекпенен өлінер,
Баяғыдай көрінер.
Абай
*******
Өлді деуге бол ма, ойлаңдаршы,
Өлмейтұғын артына сөз қалдырған.
Абай
*******
Ақыл бітпес дәулетке,
Дәулет бітпес келбетке.
Қайратсыз ашу тұл,
Тұрлаусыз ғашық тұл,
Шәкірсіз ғалым тұл.
Абай
*******
Келер қазақтың да ішетін уы мен балы -Абай.
Асқар Сүлейменов
*******
Бәрі құдайдың жазуынан,
Тек бас қосу адамның өзінен.
Лұқпан Хакім
*******
Өмір - теңіз,
Онда жүзем демеңіз,
Ізгіліктен жасалмаса кемеңіз
Рудаки
*******
Туралықтың болуы дүние ісі,
Ондайды жақтырған ғой әрбір кісі,
Бұл дүниеде салтанат құрса әділет,
Көтерілмек адамзат көңіл құшы
Еркің жоқ ырзығыңмен өміріңе,
Ендеше алма қайғы көңіліңе.
Бұл өмір иге көне саз емес қой,
Төзе бер ауыры мен жеңіліне.
Омар һәйям
*******
Табалдырықтан биік тау жоқ,
жаман ағайыннан мықты жау жоқ.
Сырым
*******
Жылуы болмаса түбіт қасиетсіз,
Жігері болмаса жігіт қасиетсіз.
Иманы кеткеннің жиғаны кетеді.
Саналы адам сағыңды сындырмас,
Санасыз адам жағыңды тындырмас.
Халық
*******
Кім қателігін түзетпесе, сол үлкен қателік.
Конфуций
*******
Өмір - бұл мүмкіндік. Оны жіберіп алма!
Тереза
*******
Өмір сүру, творчество жасау - дегеніміз -
құлау, адасу, жөн табу, тағы адасу, тағы жөн табу.
Толстой
*******
Өткенге топырақ шашсаң,
болашақ саған тас атады.
Расул Ғамзатов
*******
Мыңнан біреу шыққанда басшы болып,
Жүзден біреу шықса екен соңына ерер
Міржақып Дулатұлы
*******
Біреуі - "сен тәңірімсің" деп сыйынады,
Біреуі - "мен құлыңмын" деп бағынады,
Біреуі - "садақа бер" деп жалынады,
Біреуі - "құйрық" болып тағылады.
Мағжан Жұмабаев
*******
Жақсылық көрсем өзімнен
Жамандық көрсе өзімнен
Тағдыр қылды, біреу қылды
Дегенді шығарамын сөзімнен.
Сұлтанмахмұт Торайғыров
*******
Бұл дәуірде өз тілін, әдебиетін білмеген, қадірлемеген адам
толық интеллигент емес деуге болады. Себебі ол қандайлық
мамандық білімі болса да рухани, ой тәрбиесінде сыңаржақ
азамат болады.
Мұхтар Әуезов
*******
Уәдесі көп орындауы аз. Болмашы беделін байламсыз сөзі жойып барады. Сөзі сылдыр, ойы бұлдыр, қолды - аяққа тұрмайды құрғыр. Күле кіреді, күңірене шығады. Досы кім, қасы кім екені белгісіз. Е, тәңірі өз бұзауымды сақта, көршінің өгізі садаға! Мінгені есек, айдағаны өсек, тұла бойы есеп. Татуды араз етсе қыбы қанады, өзінен озықты көрсе іші жанады. Арсыз болмай атақ жоқ, алдамшы болмай бақ қайда! Бақ пен атақ жолына өзімнен өзге садаға деуші еді Талтаңбай. Екеуіне де қол жетті, қарны тойды, жасы келді, бірақ ұят ынсабы әлі жоқ, өлгенде де аузын ашып жатыр ол. Оның басқамен, басқаның онымен ісі жоқ. Керегі тек - тойғаны, өзімен өзі болғаны. Болмашыға бет жыртысады, кейін табысады, тағы жыртысады, не қалды беттен?
Ғабиден Мустафин
*******
Ай мен жұлдыз болмаса, қараңғы түнде адамдар адасар еді. Өнер дүлдүлдері болмаса, мына күйбең тіршілікте адамдардың көңілін кір басар еді.
Шерхан Мұртаза
*******
Көлдің тақырға айналуы оңай,
Байдың пақырға айналуы оңай
Шерхан Мұртаза
*******
Бақ қонған жерге күншілдік үйір болады
Шерхан Мұртаза "Қызыл жебеден"
*******
Өз бағаңды білгің келсе, өзіңді білмейтін елге бар
Ә.Нұршайықов
*******
... Маңайдағылардың бәрін жақсы көре тұра, бақытты өмір сүру мүмкін емес: мына өмірде көп нәрселерді ұнатпадым, өмір сүруге кедергі болатын қастандық пен жамандықты жек көрдім....
Ілияс Есенберлин
*******
Тауларды аласартпай, даланы биіктейік!
Олжас Сүлейменов
*******
Өмір ешқашан шешуі табылмас жұмбақ,
Ешкім шығара алмас қиын есеп.
Оралхан Бөкей
*******
Адамның қолы қанат емес, ұшуға арналмаған. Ұшып жүргендерді
атып түсіру оңай деуші еді, қаңғыған оқ, қаңғырған аңшыдан
сақтан, жарығым!
Бардың қадірін білу үшін жоғалту керек, тотықтың қадірін білу үшін ашығу керек екен.
Қанатыңмен ұшқанда
Құйрығыңды ұмытпа
Тіршіліктің сұлулығында шек жоқ
Оралхан Бөкей
*******
Әр таудың басын аңсаған арқар аштан өледі.
Жүгірген алмайды,
Бұйырған алады.
Бүкіл әлемде адам баласы қаншалықты мол болса,
соншалықты жалғыз - оны жалғызсыратпайтын айырылмас
адал досы - өзінің ойы ғана!
Неғұрлым керең болсаң,
Соғұрлым жақсы естисің.
Оралхан Бөкей
Комментариев нет:
Отправить комментарий