Аспан әлемі
Төңірегі тең көрініп,
Тегене жатыр төңкеріліп,
Жас та сыйған, кәрі сыйған,
Астына оның бәрі сыйған
(Аспан)
Дүниеде бір қарбыз бар солмайтұғын,
Жаз шіріп, қыста үсіп тоңбайтұғын.
Жаһанның жерін, суын, жәндіктерін,
Іші кең бәрін салса толмайтұғын.
(Аспан)
Бір түкті кілем,
Бірі түксіз кілем.
(Аспан,жер)
Жапанда жайнап тұрған бір бәйтерек,
Заты бар бұтақ сайын жанға керек.
Балта,шөміш,түрен мен мойынтұрық-
Төртеуін таңдап алдым ерекшелеп.
(Түңгі аспан, Үш арқар, Жетіқарақшы,
Көкбозат,Ақбозат,Арқан,
Таразы жұлдыздары)
Түбі көк дария,
Іші мұнара,
Отыз шешегі.
(Аспан,отыз күн)
Екі тері,
Екеуі де кең тері.
(Аспан,жер)
Тең,тең,тең киіз,
Екі ортасы кең киіз.
(Аспан)
Бір қоян қайың тауды арқалаған,
Ертерек қоян еді марқалаған.
Жолында алтын гауһар толып жатыр,
Еш адам ала алмайды балталаған.
(Күн мен сағым)
Комментариев нет:
Отправить комментарий